Әлем музыкасының тарихы, 2-бөлім

Бұл — Чикаго университетінің профессоры Филипп Болман құрастырған "Әлем музыкасының тарихы" атты кембриджік жинақ негізінде құрылған курстың 2-ші бөлімі. Бұл бөлімде Латын Америкасы, Аргентина, Африка, Қытай халық музыкасының тарихы, Израиль мен Палестинаның алғашқы дыбыс жазбалары, екінші дүниежүзілік соғыстан кейінгі дыбыс жазу, Кореядағы еуропалықтардың діни және мәдени экспансиясы, сопылық және рухани музыканың жаһандануы, Оңтүстік Шығыс Азиядағы фольклор туындыларын жинаушылардың жанкешті еңбегі баяндалады. Тыңдарман әлемнің әр түпкіріндегі музыкалық мәдени мұралармен танысады. Бұл курс 1-бөлімдегі сияқты 25 дәрістен тұрады. Әрбір дәрісте лектор айтқан ән мен би бейнеүзінділермен безендірілген. Курс барысында көрермен әлем музыкасының тарихына зор үлес қосқан ұлы тұлғалар мен музыканттар туралы мол мағлұмат алады.