Openu.kz Қазақстанның ашық университеті

Төртінші индустриялық революция

Санаттар
Инновация
Тілі
Қазақша
Рейтинг
Таңдаулыларға
Курс туралы

Біз қазіргі таңда өмірімізді де, жұмысымызды да, күнделікті қарым-қатынасымызды да түбегейлі өзгертетін алапат индустриялық революцияның бастауында тұрмыз. Бұл төртінші революция – ауқымы, қарымы мен күрделілігі жағынан да осы уақытқа дейінгі адамзат тарихындағы құбылыстардың барлығынан асып түседі. Жасанды интеллектінің, роботтандырудың, робот-автомобильдердің, 3D басып шығарудың, нанотехнологияның, биотехнологияның дамуымен және тағы да толып жатқан ғажайыптардың пайда болуымен барлық салада қарыштап көкке өрлейтін, таңғаларлық технологиялық дүмпуге куә болмақпыз.

Осы еңбектің авторы Бүкіләлемдік экономикалық Давос форумының негізін қалаушы және тұрақты президенті Клаус Шваб осындай алапат өзгерістердің әлеуетін алдын ала болжап, терең байыптап, оны адамзат игілігіне жарату жолдарын қарастыратын осы еңбегін ұсынды.

Оқулық кіріспеден, 3 тараудан, түбегейлі өзгерістерді ашатын қосымшалардан, сілтемелер мен глосарий тізімінен құрылған.

Кітапта төртінші индустриалық революциясының негізгі ұғымдары қандай, теориялық негізі мен зерттеу әдістері қандай, индустриалық революцияның қозғаушы күштері, ықпалы, олар қандай салаларда жұмыс істейді деген сияқты сұрақтарға жауап берілген.

Дәрістердің әрбірі кем дегенде 20 минутты қамтитын 25 негізгі тақырыптың аясында ұйымдастырылған. Сонымен қатар әрбір дәріс бойынша конспекті дайындалды. Бұл сіздерге Клаус Швабтың кітабындағы негізгі ойлар мен ұстанымдарды нақтылауға, сараптауға көмектеседі.

Курстың кітапханасы