Openu.kz Қазақстанның ашық университеті
Қазақша
Қазақша
Русский

Қолданушы келісімі

«ҚАЗАҚСТАННЫҢ АШЫҚ УНИВЕРСИТЕТІНЕ» ҚОШ КЕЛДІҢІЗДЕР!

Openu.kz сайтына тіркелместен және сайтта орналасқан материалдарды қолданбастан бұрын Қолданушы келісіммен және Құпиялық саясатпен мұқият танысып шығуыңызды сұраймыз. Қолданушы келісімі және Құпиялық саясаты «Қазақстанның ашық университеті» мен Сіздің араңыздағы келісім болып саналады. Сайтты қолдану арқылы Сіз жоғарыда аталған келісімді қабылдаған болып есептелесіз. Егер Сіз  келісімге қарсы болсаңыз немесе түсінбесеңіз, онда сайтты қолданбауға кеңес береміз. «Қазақстанның ашық университеті» аталған Қолданушы келісімді алдын ала ескертусіз кез келген уақытта өзгертуге құқылы. Қолданушы келісімге енгізілген барлық өзгертулер сайтқа жүктелген уақыттан бастап заңды күшіне енеді. Келісімге енгізілген өзгерістерден кейін сайтты пайдаланған жағдайда, Сіз жаңа өзгерістерді қабылдаған болып саналасыз. Сол себепті белгілі бір мерзім аралығында Қолданушы келісімді тексеріп отыруға кеңес береміз.

ЖОБА ТУРАЛЫ

«Қазақстанның ашық университеті» қазақстандық жетекші ғалымдардың онлайн дәрістерін ұсынатын ағартушылық жоба. Жоба аясында тыңдаушылар видеоларды көру, интерактивті жаттығуларды жасау, форумда ой бөлісу мүмкіндігіне ие.

ҚОЛДАНУШЫҒА АРНАЛҒАН ЕРЕЖЕЛЕР

Сіз сайтты жеке мақсатыңыз үшін қолдануға және Сіздің қолданушы жазбаларыңыз үшін жауапты болуға келісесіз. «Қолданушы жазбаларға» сайтқа Сіз немесе кез келген басқа қолданушы жүктеген, жариялаған, жазған барлық контент (видео, сұрақтар, комментарийлер, файлдар, жазбалар) жатады. Сіз сайтты «Қолданушы келісімге» сәйкес, қазақстандық және халықаралық заңдар, ережелер мен нормалар шеңберінде қолдануға келісім бересіз. «Қазақстанның ашық университеті» қызметтерін қолдану келісімінің шартына сәйкес, Сіз openu.kz платформасының жұмысына кедергі келтіруі мүмкін әрекетке бармауыңыз қажет. Олардың ішінде сервердің жұмысына және серверге жалғанған желілерге нұқсан келтіру. Сізге openu.kz сайтының серверлеріне расталмаған аккаунттар, өзге аккаунттар, компьютерлік жүйелер немесе желілер арқылы бұзу, құпия сөзді ұрлау және басқа да әдістермен қолжетімділік алуға талпыныс жасауға тыйым салынады. Cіз сайтқа жүктелген материалдар мен ақпараттарды заңсыз жолмен алуыңызға болмайды.

САЙТТЫҢ МЫНАДАЙ  КОНТЕНТ ТҮРЛЕРІНЕ ТЫЙЫМ САЛЫНАДЫ:

  • Өзгелерді қаралауға, мазасын алуға немесе үркітуге бағытталған контент;
  • Заңсыз әрекеттерді талқылауға және оларды жасауға бағытталған контент;
  • Өзгелердің зияткерлік меншік құқығын бұзатын контент;
  • Порнографиялық, әдепсіз және заңсыз контент;
  • Жарнамалық және кез келген коммерциялық бағыттағы контент;
  • Заңсыз саяси қызметтерге байланысты контент;
  • Вирустан, троялық аттар, құрттар, уақыт бомбалары, зиянды файлдар және де осы секілді өзгелердің компьютерлері мен меншіктерін бұзуға арналған контент. Сонымен бірге әдейі теріс ақпараты бар және өзгелерді алдау үшін жасалған материалдары бар контент;
  • Сондай-ақ, Сіз сайтта орналастырылған контентке нұқсан келтірмеуге, контентті жүктеп алмауға, сайтты қолданған кезде Өзіңіздің жеке басыңызға қатысты жалған ақпаратты бермеуге келісесіз (алайда форумдарда Өзіңіздің жеке басыңызға қатысты ақпаратты жасыру үшін бүркеншік қолданушы атын пайдалануыңызға қарсы емеспіз).

ҚОЛДАНУШЫ АККАУНТТАРЫ ЖӘНЕ БИЛІК

Сайттың мүмкіндіктерін толық қолдану үшін қолданушы аккаунтын ашуыңыз қажет. Ол үшін Сіз атыңызды, электрондық поштаңызды көрсетіп, құпиясөз ойластыруыңыз керек. Сіз өзіңіздің қолданушы аккаунтыңызға байланысты ақпаратты жарияламауға және қандай да мақсатта үшінші тарапқа бермеуге келісім бересіз. Қолданушы аккаунтын құру барысында платформа Сізден міндетті емес қосымша ақпаратпен (мысалы, мекенжай) бөлісуді сұрауы мүмкін. Сіз берген ақпаратыңыздың растығына кепілдік бересіз. Сіз Өзіңізге байланысты ақпараттың дұрыс болуына және оларды үнемі жаңартып отыруға келісесіз. Біз Сіздің жеке басыңызға байланысты ақпараттың құпия болуына мүдделіміз. Құпиялық саясатымен танысу арқылы Сіз біздің қандай ақпаратты жинайтынымыз және оларды қалай қолданатынымыз туралы біле аласыз. Электрондық пошта мекенжайына келесі сұраулар бойынша электрондық хаттарды жіберу құқығын сақтаймыз: пайдаланушыны тіркеу, пайдаланушының есептік жазбасының паролін қалпына келтіру, кері байланыс нысаны.

СІЗДІҢ САЙТТАҒЫ КОНТЕНТТІ ҚОЛДАНУ ҚҰҚЫҒЫҢЫЗ

«Қазақстанның ашық университеті» жобасының мақсаты сапалы білімді мейлінше қолжетімді ету болғандықтан сайттағы орналастырылған контенттің көп бөлігі Creative Commons лицензиялары аясында қолжетімді. Алайда сайттағы контентті өзгертуге, оны сатып пайда табуға тыйым салынады. Сайттағы ұсынылған мәтіндер, емтихан сұрақтары, видеолар, суреттер мен басқа да нұсқаулық деректер тек осы сайттағы курстармен байланыста қолданылады. Дегенмен кейбір материалдар, электронды мәтіндер, мақалалар, кітаптар және басқа да материалдардың барлық құқықтары қорғалған болуы мүмкін. Осы сайтты қолдансаңыз, сол деректерге таралатын құқықтар мен шарттарды сақтауға келісім бересіз. Сіз сайтты қолдану арқылы Қазақстан Республикасының 1996 жылғы 10 маусымдағы N 6-I «Авторлық құқық және сабақтас құқықтар» туралы заңы мен халықаралық авторлық құқыққа байланысты заңдарды сақтауға келісім бересіз.

ҚОЛДАНУШЫ ЖАЗБАЛАРЫ

Қолданушы жазбаларының ұсынылуы мен кепілдіктері. Cіз қолданушы жазбаларын қалдыру арқылы сол жазбаны жариялауға, қайта өңдеуге қажет құқықтарыңыз бар екендігіне кепілдік бересіз. Сонымен бірге Сіз өзіңіздің жазбаларыңыздың «Қазақстанның ашық университеті» ұжымына және платформаның қолданушыларына төменде көрсетілген шарттар шеңберінде жазбаларды қолдануға, өзгертуге, жариялауға келісім бересіз. Қолданушы жазбаларын жариялаудың салдарына тек қана Сіз жауапты болатыныңызды ескертеміз.

«Қазақстанның ашық университетінің» құқықтары. Қолданушы жазбаларын қалдыру арқылы Сіз «Қазақстанның ашық университетіне» аумақ бойынша шектеусіз, айрықша емес, өткізіп беруге болатын, қайта табыстауға келетін, лицензиялық төлем алынбайтын, мерзімсіз және қайтарып алынбайтын құқық бере отырып, жазбаларды кез келген форматта, үлгіде және кез келген медиа орта арқылы, кез келген жерде жариялауға, өзгертуге, жеткізуге келісесіз.

«Қазақстанның ашық университеті» қолданушыларының құқықтары. Қолданушы жазбаларын қалдыру арқылы Сіз сайттың әрбір қолданушысына Сіздің жазбаңызды осы сайтты пайдалану құқықтары шеңберінде көру және өз мақсатында қолдану үшін айрықша емес құқық бересіз.

DIGITAL MILLENNIUM COPYRIGHT ACT

Біз авторлық құқықты құрметтейтін ұйымбыз. Сол себепті егер Сіз авторлық құқықтың бұзылу фактісін байқаған болсаңыз, онда info@openu.kz поштасына хабарлауыңызды сұраймыз.

АВТОРЛЫҚ ҚҰҚЫҚ БҰЗУШЫЛЫҚТЫ ЕСКЕРТУГЕ ҚАЖЕТТІ ДЕРЕКТЕР

  • Көшірілген жұмыс орналасқан мекенжай.
  • Бір жерде орналасқан бірнеше жұмыс жағдайын, сол еңбектердің атауларын тізім ретінде ұсыну.
  • Көшірілген жұмысты анықтау мақсатында оның орналасқан сыртқы сайттың немесе құрылғының деректерін (мысалы, URL, IP мекенжай, компьютер аты) ұсыну.
  • Шағым түсірген тараппен байланыста болу мақсатында қосымша ақпарат (электрондық поштасы, телефон нөмірі) ұсыну.
  • Көшірілген ақпаратты тексеру бойынша жұмыстарды бастауға өтініш толтыру.
  • Өтініште көрсетілген деректердің рас екендігіне және оны толтырған тұлғада контентті иелік етуші тараптың рұқсаты бар екендігіне көз жеткізу.

КЕПІЛДІКТЕН БАС ТАРТУ/ЖАУАПКЕРШІЛІК ШЕКТЕУЛЕРІ

«Қазақстанның ашық университеті» жобасы сайттың тұрақты түрде жұмыс істеуіне және қателердің болмауына, вирустар мен өзге де Сіздің компьютеріңізге зиян келтіруі мүмкін компоненттерден ада екендігіне және Сіздің қажеттіліктеріңіз бен күткен дүниеңізге сәйкес келетіндігіне кепілдік бермейді. Сонымен бірге, «Қазақстанның  ашық университеті» сайтында орналастырылған және болашақта орналастырылатын кез келген курс пен контенттің дәлдігіне, толықтығына, уақтылығына және сапасына тек курсты ұсынушы оқу орындары, инструкторлар және сол мекеменің қызметкерлері жауапты. Сайтты, сайт арқылы контент пен қызметтерді қолдану өз тәуекелдігіңіз болып саналады. Сайттағы ақпараттарды, материалдарды, деректерді де жүктеп алу өз тәуекеліңіз болып саналады. Жүктеп алынған ақпараттар, материалдар, деректер салдарынан меншігіңізге зиян (мысалы, деректерді жоғалтып алу) келтірілген жағдайда да, жауапкершілік тек Сіздің мойыныңызға жүктеледі. Қолданушы жазбалары. «Қазақстанның ашық университеті» Қолданушы жазбаларының дәлдігіне, пайдалылығына, сенімділігіне немесе оның авторлық құқықтарына жауап бермейді. Сіз теріс, қорлайтын, жала жабатын, ұятсыз жазбаларға тап болуыңыз мүмкін екендігін түсінесіз және сол жазбаларға байланысты «Қазақстанның ашық университетіне» заңды түрде ешқандай қарсылық айтпайсыз. «Қазақстанның ашық университеті» ешқандай Қолданушы жазбаларын қолдамайтынын және жазбаларда келтірілген ойларға, кеңестерге қатысы жоқтығын мәлімдейді. Сонымен бірге, «Қазақстанның ашық университеті» сайтта жарияланған Қолданушы жазбаларын қадағалауға міндетті емес. Дегенмен «Қазақстанның ашық университеті» кез келген уақытта, кез келген себеппен Қолданушы жазбаларын толықтай немесе бір бөлігін өңдеуге немесе өшіруге құқылы. Жоғарыда айтылғаннан бөлек, егер қолданушыдан немесе контент иесінен Қолданушы жазбалары Қолданушы келісімге қайшы келеді деген ескертпе түсетін болса, онда «Қазақстанның ашық университеті» Қолданушы жазбаларын өшіру бойынша тергеу жұмысын кез келген уақытта, ескертусіз жүргізуге құқылы. Өзге сайттарға апаратын сілтемелер. «Қазақстанның ашық университеті» платформасында басқалардың басқаруындағы сайттарға апаратын гиперсілтемелер болуы мүмкін. «Қазақстанның ашық университеті» өзге сайттарда орналастырылған қызметтер мен контенттің сапасына жауап бермейді. Үшінші тарап сайттарындағы ақпаратты қолдану өз тәуекеліңізде болып саналады.

ӘРТҮРЛІ

Тоқтату құқықтары, Курсты және контентті қолдануды тоқтату. «Қазақстанның ашық университеті» Сіздің сайтты қолдануыңызды кез келген себеппен немесе ешқандай себепсіз ескерту жіберу арқылы тоқтата алуына келісесіз. «Қазақстанның ашық универсеті» жобасының саясаты бойынша авторлық құқықты бірнеше рет бұзған қолданушылардың аккаунттарын тоқтатып тастауға құқылы. «Қазақстанның ашық университеті» өзінің платформасы арқылы ұсынылатын кез келген курсты тоқтатып тастауға, кешіктіруге, уақытын өзгертуге, курстың форматын өзгертуге және сайттың бір бөлігін немесе тұтастай өшіріп тастауға құқылы және бұл әрекеттер үшін Сізге есеп бермейді. Егер Сіз сайтты қолданбаймын деп шешсеңіз, онда кез келген уақытта сайтты қолдануды тоқтата аласыз. Осы Келісім аясында Сізге берілген құқықтар Сіздің сайтты қолдануды тоқтатқан күннен бастап өз күшін жояды, алайда Келісімнің барлық шарттары өз күшінде қалады. Осы Келісім Қазақстан Республикасының заңдарына сәйкес жасалды және барлық түсініспеушіліктер Қазақстан Республикасының заңдарына сәйкес реттелетін болады.

БІРЛЕСІП ЖҰМЫС ЖАСАУ

«Қазақстанның ашық университеті» курстарына жазыла отырып, Сіз онлайн оқу тыңдаушылар қауымдастығына қосыласыз. Қауымдастықтың бөлшегі ретінде Сіздерден шынайылық пен академиялық адалдықты ұстануды сұраймыз. Әрі қарай «Қазақстанның ашық университеті» тыңдаушысы болу мақсатында Ар-намыс кодексі мен басқа да қосымша шарттарды сақтау талап етіледі.

АР-НАМЫС КОДЕКСІ

«Қазақстанның ашық университеті» курстарына жазыла отырып, Мен:

  • Тапсырылған барлық тестілер мен тапсырмаларды, инструктор тарапынан бірлесіп жұмыс жасауды, айтылмаған жағдайларды есептемегенде, өзім орындаймын;
  • Курстарды өту үшін тек бір ғана аккаунтты қолданып, менің атымнан басқалардың кіруіне жол бермеймін;
  • Менің нәтижелеріме кері әсерін тигізетін немесе басқа тыңдаушылардың нәтижелеріне кері әсерін тигізетін әрекеттерге бармаймын;
  • Студенттердің оқу нәтижелерін анықтауға арналған тапсырмалардың жауаптарын ешқайда жарияламаймын.

КОДЕКСТІ БҰЗУ

Қолданушы келісім мен ар-намыс кодексі бұзылған жағдайда Сізге қатысты төмендегі бір немесе бірнеше жаза түрлері қолданылуы мүмкін:

  • Берілген тапсырманың бағаланбауы;
  • Оқу барысында алынған сертификаттар немесе басқа да ресми құжаттар күшінің жойылуы;
  • Курстан толықтай шығарылу;
  • Сайтты қолдануға тыйым салу;
  • Курсты өтуге байланысты жұмсалған қаражаттың кері қайтарылмауы.

АР-НАМЫС КОДЕКСІН ӨЗГЕРТУ

«Қазақстанның ашық университеті» аталған Ар-намыс кодексін алдын ала ескертусіз кез келген уақытта өзгертуге құқылы. Ар-намыс кодексіне енгізілген барлық өзгертулер сайтқа жүктелген уақыттан бастап заңды күшіне енеді. Кодекске енгізілген өзгерістерден кейін сайтты пайдаланған жағдайда, Сіз жаңа өзгерістерді қабылдаған болып саналасыз. Сол себепті белгілі бір мерзім аралығында Ар-намыс кодексін тексеріп отыруға кеңес береміз.