Стратегиялық бренд-менеджмент

Курс Ричард Розенбаум-Эллиот, Ларри Перси және Саймон Перван құрастырған "Стратегиялық бренд-менеджмент" деп аталатын кітаптың төртінші басылымы негізінде құрастырылған. Авторлардың бұл еңбегі 2018 жылы Оксфорд университетінің баспасынан басылып шыққан.

Кітап 12 тарау, 3 бөлімнен тұрады. Курс аясында брендтің жеке және әлеуметтік әсерінің кеңдігі мен тереңдігі талқыланып, оның негізгі түсінігі туралы ақпарат беріледі. Сондай-ақ, брендті басқару мақсаттары мен құралдары терең зерттеліп, брендті басқарудың негізгі салаларындағы стратегияны құрастыру мен жүзеге асыру мәселелері талқыланған. 

Лектор осы кітапты басшылыққа ала отырып, әлемдік алпауыт брендтер мен отандық белгілі брендтердің стратегиясынан, жалпы тәжірибесінен ұтымды мысалдар келтірген. Брендті стратегиялық басқару үшін оны тұтынушының қалай қабылдайтынын, брендің мінез-құлыққа қалай әсер ететінін және бәсекелестік күресте қалай табысқа жеткізетінін түсіндірген.