Әлем музыкасының тарихы, 1-бөлім

Бұл курс «Әлем музыкасының тарихы» атты кембридждік жинақ негізінде дайындалды. Кітаптың құрастырушысы – Чикаго университетінің профессоры Филлип Болман. Оның бұл оқулықты құрастырудағы басты мақсаты – халықтық, әуесқой және классикалық музыкаға айналған әртүрлі мәдениеттегі музыка тарихынан хабар беру. Курста автордың осы мақсаты негізгі бағдар болып қалды. Курс 1-ші және 2-ші бөлімнен тұрады. Әр бөлімде 25 дәріс бар. 1-ші бөлім «Жалпы музыка дегеніміз не?» деген сұраққа жан-жақты жауап іздейді. Тыңдарман курс барысында Еуропа, Океания, Қытай, Үндістан, мұсылман әлемі, Солтүстік және Оңтүстік Америкадағы музыка тарихының негізін қалаушылармен танысады. Әртүрлі халықтың рәсімдері мен дінінен, тұрмыс-тіршілігінен туындаған саз өнері үлгілерінен құлағдар болады. Бұл курс, әсіресе, музыкалық білімін арттырғысы келген жас мамандар мен студенттер үшін баға жетпес бағдар болмақ.