Оксфорд әлеуметтік ғылымдар сөздігі

Оксфорд әлеуметтік ғылымдар сөздігі антропология, әлеуметтану, мәдениеттану, психология, саясаттану, филология, философия және экономика салаларының 1500-ден аса терминін топтастырған. Кітапта әлеуметтік ғылымдардағы негізгі теорияларға, концепцияларға, ғылыми әдістер мен өзге де құбылыстарға қысқа, бірақ тұшымды анықтама беріледі. Оған қоса, ғылым салаларындағы негізгі ұғымдар мен заңдылықтар, үрдістер мен жаңалықтар түрлі көзқарас тұрғысынан сараланады.

Терминологиямен қоса, сөздікте Франц Боастан бастап, Джон Мейнард Кейнс, Макс Вебер секілді әлеуметтік ғылымдарға серпіліс әкелген 300-ге жуық ғалымның өмірбаяны мен ғылымдағы жаңалықтары кеңінен қамтылған. Сөздік гуманитарлық сала мамандары мен студенттерге, әлеуметтік ғылымдарға қызығатын жалпы көпшілік қауымға арналған.