Семей мемлекеттік педагогикалық институты
Семей мемлекеттік педагогикалық институты – Семей қаласындағы көне жоғары оқу орны. Институтта 26 мамандық бойынша 5 мыңнан астам студент оқиды (оның ішінде 2 мыңға жуық – күндізгі бөлімде, 3 мыңнан астам – сырттай бөлімде). Оқыту қазақ және орыс тілдерінде жүргізіледі.
Институт құрылымында 5 факультет, 23 кафедра, 4 ғылыми орталық (қазақстандық бөлім және халықаралық педагогикалық білім беру ғылым академиясының экологиялық орталығы, «Шәкәрім» ғылыми-зерттеу орталығы, мектепалды дайындық зертханасы, тарихи зерттеулер ғылыми орталығы), жоғары оқу орнына дейінгі дайындық факультеті (ҚДП) жұмыс істейді.
ЖОО-ның материалдық-техникалық базасына 5 оқу корпусы, спорт кешені, 2 жатақхана, агробиостанция, 300 мың данадан астам кітап қоры бар кітапхана, оқу-өндірістік және көркем шеберханалар, 600 орындық ашық стадион, Ертіс жағасындағы спорттық демалыс базасы кіреді. Өз баспасы бар.
