Қазақстан Республикасы Президенті жанындағы Мемлекеттік басқару академиясы

ҚР Президенті жанындағы Мемлекеттік басқару Академиясы – Мемлекеттік қызметшілерді даярлау, қайта даярлау және біліктілігін арттыру функцияларын жүзеге асыруға мүмкіндік беретін заңнамалық түрде бекітілген мәртебесі бар Қазақстан Республикасындағы жалғыз оқу орны.

Академияда мемлекеттік қызметшілердің негізгі контингенті республикалық бюджет қаражаты есебінен соңғы жұмыс орнындағы жалақы мөлшеріне сәйкес стипендия алады. Академияда білім алушылар жыл сайын Оксфорд және Кембридж (Ұлыбритания), Калифорнияда (АҚШ), Вена дипломатиялық академиясында (Австрия), ENM Француз Ұлттық магистратура мектебінде (Франция), ROI Корольдік мемлекеттік басқару институтында (Нидерланды), Justice Academy және TODAIE (Түркия) және Ресей халық шаруашылығы академиясында шетелдік тағылымдамадан өтеді.