Саясаттану

Бұл курс саяси ғылымға кіріспе бойынша үздік оқулық саналатын «Саясаттану» еңбегіне негізделген. Лектор дәрістер аясында саясат дегеніміз не деген мәселеге түсінік бере келе, саясаттану жөніндегі қарама-қайшы көзқарастарға тоқталады, саяси идеяларды негізгі идеологиялар тұрғысынан қарастыра отырып, мемлекеттің саясаттағы рөлін, легитимдіктің маңызын көрсетеді. Мемлекеттік басқару жүйелеріне, ұлтшылдықтың негізгі теорияларына талдау жасалып, экономика мен саясат, саясат пен қоғам, саяси мәдениет пен оның маңызын қарастырады. Сайлау жүйелеріне, саяси партиялардың саясатта атқаратын рөлі мен жүйелердің ерекшеліктеріне талдау жасалады. Сондай-ақ мемлекеттік басқару механизмдері мен процестері, көп деңгейлі саясат, қауіпсіздік мәселесі тақырыптары да назардан тыс қалмаған. ХХІ ғасырдағы әлемдік саяси тәртіптің өзгеруі, сонымен бірге жаһандық басқару және оның тиімділігі, дәстүрлі саясаттың кемшіліктері баяндалады.