Panorama: Дүниежүзі тарихы, І

Ұсынылып отырған курс шеңберінде американдық тарихшылар – Росс Данн мен Лора Митчеллдің айтулы «Панорама: Дүниежүзі тарихының» 1-кітабы аясында жазылған дәрістер таныстырылады. Бұл курста ерте заманнан бастап ХV ғасырларға дейінгі кезең қарастырылған. Адамзаттың пайда болу тарихы, ауылшаруашылығы, егіншаруашылығы және малшаруашылығының дамуы, бұдан бөлек адамзаттың жер жүзіне қоныстануы сияқты қызықты деректерге назар аударылады. Бұл курс сіздердің көңілдеріңізден шығып, біраз мәліметтерге қанығып, шынайы тарихи деректерге, ең алдымен тарихи құбылыстардың мән-мағынасын зерделеуге, оқиғалар мен үдерістердің себеп-салдарлы ақиқат тамырларына зер салуыңызға, креативті ойлап, дүниежүзі тарихының тарам-тарам жолдарына кіріп, оны дұрыс түсінуге негіз болады деген үлкен сенімдеміз.

Рецензент

Садықова Райхан Оңалбайқызы, тарих мамандығы бойынша PhD, әл-Фараби атындағы Қазақ ұлттық университеті Дүниежүзі тарихы, тарихнама және деректану кафедрасының қауымдастырылған профессоры.