Оқыту теориясы: Білім беру көкжиегі

Аталған курс Солтүстік Каролина Университеті профессоры Дейл Шунктің «Оқыту теориясы: Білім берудің келешегі» деп аталатын оқулыққа негізделетін болады. 

Бұл дәріс кімге арналады? Кімдер үшін пайдалы дейтін болсақ, бұл сабақтар педагогика немесе психология мамандықтары бойынша білім алып жүрген студенттер мен магистранттарға, докторанттарға және ұстаздар мен білім саласындағы қызметкерлерге арналады. Сонымен қатар адамның дамуы мен білім алуындағы ерекшеліктер, нейроғылым, ми қызметі сияқты танымдық мәселелер қызықтыратын көпшілікке де пайдалы болады деп ойлаймыз.  

Аталған курста Оқыту мен білім берудің байланысы, Неврология, Оқытудың нейрофизиологиялық мәселелері, Мотивация және эмоция, Оқыту тәсілдері атты мәселелер қарастырылатын болады. Оқыту теориясы мен зерттеулері жайлы баяндалып, білімді бағалауға қажетті тәсілдер сипатталады. Оқытуға қатысты зерттеулер барысында анықталған өзекті мәселелер талқыланады.