Ойлау және сөйлеу

Бұл дәріс Сізді Выготскийдің психология әлеміне жетелеп, оның ғылыми ойының дамуының негізгі кезеңдеріне қарай бағыттайды және ойлау мен сөйлеудің даму ерекшеліктері туралы түсінік береді. Бүгінгі таңда балабақшалардың, мектептердің, колледждердің және жоғары оқу орындарының білім беру тәжірибесінде мінез-құлықтың мәдени және ұлттық үлгілері арқылы ойлауды мақсатты дамыту міндеттері көрініс тауып жатыр. Алайда мектепке дейінгі және мектеп білімі ойлау мен сөйлеуді дамытудың бір-бірімен байланысына көп мән бермейді. Сөйлеуді дамыту үшін тілді меңгеруге арналған сабақтар оқытылады, ал ойлау дамуының шарты ретінде өзге пәндер қарастырылады. Мәдени-тарихи үлгілер арқылы тілді оқыту шеңберінде билингвалдық ойлауды дамыту бойынша бірқатар балабақшалардың тәжірибесі осы тәсілдің тиімді және болашағы бар екеніне дәлел бола алады. Жоғары және орта арнаулы білім беруде де ойлау мен сөйлеудің мақсатты дамуы туралы аз айтылған. Сондықтан, біздің дәрістеріміз тек қана психология ғылымын зерттеуші ғалымдар немесе тәжірибемен айналысатын психолог мамандарға ғана емес, сонымен қатар білім беру мекемелерінің қызметкерлеріне, соның ішінде мұғалімдер мен тәрбиешілерге де, сонымен бірге баласының ойлауы мен сөйлеуінің дамуына алаңдайтын барлық ата-аналарға да пайдалы болады деп ойлаймыз.