Өнер тарихы

Бұл курс өнер зерттеушісі Эрнст Гомбрихтің «Өнер тарихы» атты кітабына негізделе отырып дайындалды. Видеодәрістердің әрбірі кем дегенде 20 минутты қамтитын бұл кітап студенттерге, магистранттарға және өнер тарихы бойынша мәлімет іздегендерге өте пайдалы құрал болмақ. Курс сіздерге өнер тарихының шартарабына тереңінен бойлауға көмектеседі. Дәрістерде визуалды материалдар кеңінен пайдаланылған. Әрбір өнер туындысына қатысты дәлелдеме суреттер келтіріледі. 25 негізгі тақырыптан тұрады. Аталмыш курста алғашқы өнер түрінің пайда болуы, дамуы, зерттелуі айтылады. Сондай-ақ өнер туындыларының мән-мағынасын, олардың белгілі және белгісіз авторларын, өнер тарихына есімдерін алтын әріптермен жазып кеткен суретшілер, өнертанушылар, мүсіншілер, сәулетшілер, әлемді таңдай қақтырған ғимараттар және тағы да басқа өнерге қатысты дүниенің барлығымен толықтай танысатын боламыз.