Мемлекеттік қаржы

Курс 2014 жылы жарық көрген, мемлекеттің салық және шығыстар функциясына арналған Харви С. Розен және Тед Гейердің "Мемлекеттік қаржы" кітабына негізделген. 

Курс аясында «үкімет ақшаны қалай жұмсайды, кірісін қалай арттырады, экономикалық саясат жүргізуге кім құқылы» деген сұраққа жауап бере отырып, оларды түрлі дәлелдермен негіздейді. Әр дәріс соңында берілген бақылау сұрақтары сыни тұрғыда ойлануды қалыптастырып, шешім қабылдауды үйретеді. 
Заман талабына сай, сақтандыру түрлері, кіріс, салық, пайда, шығын, түсім мәселелері тереңірек әрі түсінікті түрде талқыланған.
Әр тақырыпты жан-жақты қарастырған лектор мысалдарды сызба, кестемен түсіндірген. 
Курс экономика, әсіресе мемлекеттік қаржы тақырыбында ізденіп, зерттеу жұмыстарын жүргізіп жүрген жандарға таптырмас құрал болады. Дәрістер циклы студенттерге, қаржылық сауатын арттырғысы келетін қауымға арналады.