Ұлттың этностық тамыры

Курс ағылшынның әйгілі әлеуметтанушы философы, ұлттардың шығу тегі мен национализм теориясының негізін қалаушы классикалық авторлардың бірі Энтони Дуглас Смиттің «The Ethnic Origins of Nations» атты танымал еңбегіне негізделген. Курстың басты мақсаты – жер бетінде өмір сүріп жатқан ұлттардың шығу тегін талдау, олардың этникалық түп негізін зерттеу. Осы мақсатқа қол жеткізу барысында автор Ежелгі дәуірден бастап Жаңа заманға дейінгі уақыт аралығында жер бетінде мекен еткен этностық қауымдастықтардың қалыптасу тарихына шолу жасай отырып, қазіргі национализмнің табиғи түрде даму ерекшелігіне, сондай-ақ этностық және ұлттық сана-сезімнің нәтижесінде пайда болған тарихтағы мифтер мен символдар, тарихи естеліктер мен құндылықтардың атқаратын қызметіне талдау жасайды. Курста национализм теориясы саласында маңызды проблемалар көтерілген, тыңдаушы қауым үшін құнды дәрістерден құралған.