Әлеуметтану негіздері

Әлеуметтану негіздері

Курсқа өту
Санаттар
Әлеуметтану
Тілі
Қазақша
Рейтинг
Таңдалған курстар
Қате туралы хабарлау
Курс туралы

Бұл курста «Әлеуметтану негіздері» кітабындағы маңызды деп тапқан идеялар мен ұстанымдарды объективті тұрғыдан ұсынуға тырыстық. Дәрістер әрбірі кем дегенде 20 минутты қамтитын 25 негізгі тақырыптың аясында ұйымдастырылған.
«Әлеуметтану негіздері» оқулығы 15 тараудан тұрады. Онда қоғам және оның құрылымы, қоғамдағы түрлі әрекеттер, адамның рухани және материалдық мәдениеті, құндылықтар, девиация, әлеуметтену және тағы басқа көптеген тақырыптар қаралады. Кітапта әлеуметтанудың негізгі ұғымдары қандай, теориялық негізі және зерттеу әдістері қандай, әлеуметтанушы деген кім, олар қандай салаларда жұмыс істейді деген сияқты сұрақтарға жауап берілген. Сонымен бірге әлеуметтанушы мамандардың оқу орнындағы, үкіметтегі, бизнестегі, үкіметтік емес ұйымдардағы және қоғамдағы рөлі көрсетілген.
Оқулық сыни ойлауға, интеллектуалдық пікірталасқа жетелейтін түрлі материалдармен жабдықталған. Визуалдық материалдар кең қолданылған – көрнекі суреттер, карталар және сызбалар. Жаңа зерттеулерден көптеген мысалдар келтірілген. Әрине, мысалдар негізінен АҚШ-қа қатысты.
Сонымен қатар әрбір дәріс бойынша конспекті дайындалды. Бұл сіздерге Дэвид Бринкерхоф, Роуз Уейтс, Сюзан Ортеганың кітабындағы негізгі ойлар мен ұстанымдарды нақтылауға, сараптауға бағдар көрсетеді. Бұған қоса, дәрістерде ойды тұжырымдау, талдау, тиянақтау мақсатын нақтылайтын сұрақтар қарастырылған. 
Бұл кітап студенттерге, магистранттарға және жалпы әлеуметтану негіздері бойынша мағлұмат іздегендерге өте пайдалы құрал. 

 

Курстың кітапханасы
Әлеуметтану негіздері
Дэвид Бринкерхоф, Роуз Уейтс, Сюзан Ортега
Кітап туралы