Openu.kz Қазақстанның ашық университеті

Кино 1: бейне – қозғалыс

Санаттар
Өнер
Тілі
Қазақша
Рейтинг
Таңдаулыларға
Курс туралы

Бұл онлайн дәрістерімізде француз философы, постмодернист Жил Делөздің атақты “Кино” кітабының бірінші томы, яғни, “Бейне-Қозғалыс” ұғымы сөз болады. Делөз – танымның ерекше теориясын қалыптастырған және кино әлемінде өзіндік ерекше пікірлер айтқан философ. Өз философиялық пікірлерін жалпы философиялық пайымдауларға сүйене отырып, ұқсастық пен айырмашылық ұғымдары туралы пайымдау жасаған. Делөздің “Кино” кітабы кино теориясында маңызды еңбектердің бірі болып саналады. Ол осы еңбегі арқылы кино өнерін эстетика тұрғысынан зерттеп, философия мен кино байланысын ұғым ретінде қалыптастырған алғашқы үлкен философ. «Кино» кітабында зерттелген кино философиясы мен “Бейне-қозғалыс” және “бейне-уақыт” ұғымы 1980-жылдардан бастап әлемдік артхаус киноға анализ жасауда кең айналымға түсті және кино теориясына да, кино сынына да үлкен әсер етті. Сонымен қатар, кинематографта өзектілігін жоймаған теориялық еңбектердің қатарында әлемнің көптеген жоғары оқу орындарында, кино академияларында оқытылып келеді. Кино өнерін философиямен байланыстыра зерттеу тек кино теоретиктер үшін ғана емес, фильм жасаушы авторлар үшін де маңызды.