Классикалық араб философиясы: антология

Классикалық араб философиясы атты курс барысында орта ғасыр классикалық араб философиясының ірі өкілдері әл-Кинди, әл-Фараби, ибн-Сина, әл-Ғазали сынды ұлы ғұламалардың философиялық ойларымен қатар, шығыс перипатетизміндегі рационализм ерекшелігі, олардың өмірі мен шығармашылығы, ислам мәдениетінің әлемдік өркениетке қосқан үлесі, классикалық араб философиясы тағдыры, ортағасыр классикалық араб философиясының шығыс пен батыс философиясына ықпалы философиялық тұрғыдан талданған.
Ортағасыр классикалық араб философиясы өкілдерінің шығармалары қадым заманнан күні бүгінге дейін латын, испан, иврит, неміс, ағылшын, француз, орыс, қазақ жəне де басқа тілдерге аударылып, адамзат игілігіне айналып отыр. Курс аясында әл-Кинди, əл-Фараби, ибн-Сина, әл-Ғазали және т.б. сынды тамаша да ерекше тұлғалар туралы, олардың дүниежүзілік мəдениетке қалдырған мұралары туралы ақпарат кеңінен беріледі.