Кино теориясы: ұғымдар арқылы тануға кіріспе

Бұл курс кинотеоретиктер Томас Эльзессер мен Мальте Хагенердің "Кино теориясы. Ұғымдар арқылы тануға кіріспе" еңбегіне негізделіп жасалған. "Кино теориясы. Ұғымдар арқылы тануға кіріспе" – соңғы жүз жылдағы кино өнері туралы теориялық мәселелерді қамтыған ірі сүбелі еңбек. Авторлар кино теориясындағы классикалық және жаңашыл бағыттағы барлық зерттеулерді бір жүйеге келтіріп, оларды терезе және жиектеме, айна, көз-жанар, тері/тән, киноны есту арқылы қабылдау және ой-сана метафоралары арқылы қарастырған. Шын мәнінде, кино өнерінің барлық маңызды деген теориялық мәселелерін қамтыған бұл кітапты кино теориясының нағыз бағдаршамы деуге болады. Еңбекте жаңағы айтылған метафоралардың кинематограф және кино теориясымен байланысы өте терең әрі жан-жақты сарапталған. Бұл курс 25 видеодәрістен тұрады. Курс соңында өзін-өзі тексеруге арналған бақылау сұрақтары да қамтылған.