Кино өнеріне кіріспе

Бұл курс америкалық кинотанушылар Дэвид Бордвелл мен Кристин Томпсонның «Кино өнеріне кіріспе» атты кітабына негізделген. Кітап – Америкадағы медиа мектептер мен кинематографияға байланысты барлық бөлімдерде оқытылатын бірегей еңбек. Курс осы оқулықтың 11-басылымына сүйеніп дайындалды. 25 дәріс көрерменді "кино" ұғымымен терең таныстырады. Осы курстан кино қалай түсіріледі, сценарий қалай жазылады, киноны түсіретін шығармашылық топ кімдерден құралады, монтаж қалай жасалады, дыбыс қалай жазылады деген сияқты сансыз сауалдың жауабын таба аласыз. Курсты толық көріп шыққан адам кино әлемінен толық хабардар болады. Бұл курс кино саласы мен журналистикада білім алып жатқан студенттер, киноиндустрияға қадам басқан жас режиссерлер үшін теңдессіз бейнекурс болмақ.