Openu.kz Қазақстанның ашық университеті
Қазақша
Қазақша
Русский

Иудаизм, христиандық пен исламдағы 4000 жылдық ізденіс: Құдайтану баяны

Санаттар
Тілі
Қазақша
Рейтинг
Таңдаулыларға
Курс туралы

Бұл курста Армстронгтың кітабындағы маңызды деп тапқан идеялар мен ұстанымдарды, методологиялық ізденістерді, ең басты діни танымдық проблемалар мен ұсыныстарды обьективті тұрғыдан ұсынуға тырыстық. Видеодәріс 25 негізгі тақырыпты сараптап, әрбір дәріс кем дегенде 20 минутты қамтиды. Сонымен қатар әрбір дәріс бойынша конспект дайындалған. Бұл сіздерге Карен Армстронгтың кітабындағы негізгі ойлар мен ұстанымдарды нақтылауға, сараптауға бағдар көрсетеді. Бұған қоса, ойды тұжырымдау, талдау, тиянақтау мақсатын нақтылайтын сұрақтар да қарастырылған. Карен Армстронг еңбегіндегі маңызды ұғымдар мен категориялар, тұжырымдар мен қағидалар қазақ ғылымына әлі таныс емес. Бұл курста кітапты толық қарастырып, тақырыптық топтарға сәйкес оларды ұсынуға тырыстық. Мақсатымыз Армстронг еңбегіндегі дін феноменінің құндылықтық сипатын бағдарлау; өмірбаяны мен Исламға қатысты және басқа діндерге қатысты салыстырып жасаған талдауларына сыни көзқарас қалыптастыру, осы еңбектің дінтанушылар ортасындағы маңызын, жаңалығын және ондағы уақыт өлшемдерін көрсету; оның қолданған дінтану методологиясы мен тақырыптарын зерделеу; «Тәңір, әлем, адам» қатынасындағы ізденістер жүйесін сараптау. Курс сіздердің діни таным төңірегіндегі негізгі болмыстық, тарихи, феноменологиялық, сонымен қатар, антропологиялық және аксиологиялық қырларына терең ой жіберулеріңізге көмектеседі деген сенімдеміз.

Курстың кітапханасы