Ислам философиясы: Оксфорд жинағы

Бұл видеолекциялар курсы Khaled El-Rouayheb пен Sabine Schmidtke-нің «The Oxford Handbook of Islamic philosophy» оқулығы негізінде дайындалды. «Ислам философиясы» курсы әлемдік философия тарихында ерекше орны бар, қалыптасу жағынан сан қырлы ерекшеліктерге толы және бірнеше мәдениеттердің үйлесімді синтезін құрайтын философиялық мектептердің мәнін ашуға арналған курс. Бұл курстың ерекшелігі араб-мұсылман философиясының классикалық кезеңінен бастап, ХХ ғасырға дейінгі аралықты қамтиды және әр кезеңдегі ислам философиясының ерекшелігі мен философиялық көзқарастары әлемге әйгілі болған бірегей тұлғалар философиясы арқылы беріліп отыр. Бұған қоса, зерттеу нысанына алынған философтардың, бүкіл дүниетанымдарының өзегі болып табылатын, олардың философиясының ерекшелігін көрсететін, белгілі бір себептермен зерттеу нысанынан қалып қойған немесе аз зерттелген, зерттелген жағдайда да бұрын-соңды көтерілмеген тұсын айшықтап беру мақсат етілген.