Қазақстанның ашық университеті

Интернет психологиясы

Тілі: ҚазақшаКурс бағасы: Тегін
Курс туралы

Курс Патрисия Уоллестің Кембридж университеті баспасынан шыққан «Интернет психологиясы» оқулығына негізделеді. Оқулық он екі тараудан тұрады. Автор негізінен әлеуметтік желідегі онлайн тұлға, онлайн агрессия психологиясы, балалардың дамуы, интернеттегі гендерлік мәселелер және сексуалдылық, виртуалдық әлем және адамдардың қауіпсіздігі сияқты түсініктерді ашып түсіндіреді. 

Уоллес «24/7 қолжетімді Интернеттің пайда болуымен адамның өмірі күрделене түсті ме, әлде жеңілдеді ме?» деген маңызды сауалды көтереді. Бір жағынан алғанда, көптеген үдерістерді автоматтандыруға көмектесетін қызметтер пайда болды, мысалы интернет-дүкендер және тамақты жедел жеткізу жүйелері. Бірақ мұның кемшіл тұстары да жоқ емес, қарым-қатынас негізінен виртуалды түрге айналғандықтан, шынайы өмір деградацияға ұшырады.   Бізге нақты қарым-қатынасты сезінуге мүмкіндік беретін эмоциялар мен  машықтар жойылды. Бұл деректер авторды келесі сұраққа алып келеді: адамзат, онымен бірге Интернет дұрыс бағытта даму үстінде ме?

Біздің виртуалды шынайылыққа қатты кіріп кететініміз соншалықты, адами құндылық, өнеге, құлықтылық жайлы ұмытып кетуге жақынбыз. Уоллес Интернетті есірткімен салыстырады. Бұл өте жан ауыртатын сәт. 
Соған қарамастан, кітаптың негізгі идеясы біздің өзімізді бұл шындықтан енді қорғай алмайтындығымызда болып табылады. Сол себепті біздің ендігі міндетіміз – түсінуді, қабылдауды және бейімделуді үйрену. Мұны Интернет психологиясын білу арқылы дұрыс орындауға болады. 
Интернет психологиясы – қоғамдық резонанс тудыра алатын көкейтесті сауал. Бұл мәселе болып табылады және ол ең алдымен тәуеділікпен байланысты. 
Кітаптың жеке тарауы әлеуметтік желілерге арналған. Мұнда Уоллес тек тәуелділікке ғана емес, өз өмірін көрсетуді жақсы көрушілердің қауіпсіздік қатеріне де баса назар аударады. Автордың айтуынша, қылмыскерлер жеке ақпаратты біздің өз қолымыздан алады. Жарияланымдар біздің өмір сүру деңгейіміз және ең қауіптісі біздің кеңістіктегі қозғалысымызды керемет суреттейді. Әлеуметтік желідегі лента бойынша толық әлеуметтік портрет құрастыруға болады. Instagram мен Facebook-тегі қауіпсіздік техникасын әрине қазақстандықтар да ескере бермейді. 

Курс форматы

Курс 25 видеодәрістен тұрады, әрбір дәріс PDF форматындағы жүктеуге қолжетімді оқу конспектісін қамтиды.

Курс авторы

Күланда Дүйсебекова

Физика-математика ғылымдарының кандидаты, ХАТУ «Ақпараттық жүйелер» кафедрасының қауымдастырылған профессоры

   Автор туралы