Этика: теориясы мен қазіргі мәселелері

Бұл курс Сан-Франциско Университетінің Философия профессоры Барбара МакКиннон мен Калифорния штатының Университеті Философия профессоры Эндрю Фиаланың «Этика. Теория мен қазіргі мәселелер» атты еңбегіне негізделген. Бейне-топтама 25 дәрістен тұрады. Бұл дәрістер аясында жалпы этика дегеніміз не және этика саласындағы негізгі мәселелер қарастырылады. Атап айтсақ, Этика және этикалық ой-пайымдау, Дін және жаһандық этика, Этикалық релятивизм, Эгоизм, альтруизм және қоғамдық келісімшарт, Утилитаризм, Деонтологиялық этика, Табиғи заң және адам құқықтары, Ізгілік этикасы, Феминистік ұстаным мен Қамқорлық этикасы сияқты этика салаларымен қатар, қазіргі қоғамда өзекті болып отырған Эвтаназия, Түсік жасату, Сексуалды мораль, Тең құқықтылық пен дискриминация, Жазалау және өлім жазасы, Қоршаған орта этикасы мен Жануарлар этикасы, Биотехнология мен биоинженерия, Зорлық-зомбылық пен Соғыс этикасы, Жаһандық әділдік пен жаһандану мәселелері ортаға салынып, жан-жақты қарастырылады. Курс презентация слайдтарымен бірге жүреді, әр дәрістің ұзақтығы 20–25 минут.