Қазіргі бизнес-коммуникация

Бұл курс Кортланд Бовэ және Джон Тил атты америкалық авторлардың «Қазіргі бизнес-коммуникация» кітабына негізделген. Осы курс барысында сіз іскерлік қарым-қатынастың негізгі принциптерімен танысып, өзіңіздің коммуникациялық машықтарыңызды дамытуға мүмкіндік аласыз. Бизнес-коммуникацияның тұлғааралық және әлеуметтік коммуникациядан қандай айырмашылығы бар екенін білесіз. Заманауи компаниялардың блогтарды, әлеуметтік желілерді, подкастарды, виртуалды шындық, уики және басқа да коммуникациялық технологияларды өз қызметінде қалай пайдаланатындығын қарастырамыз. Сонымен қатар, кез келген коммуникациялық мақсатқа жетуде көмегі тиетін мәтін жазудың қарапайым үшкезеңді процесі туралы айтып беремін. Курс барысында қарым-қатынас этикасы, тиімді тыңдау, командалық әрекеттесу және бейвербал коммуникация жайлы құнды ақпаратқа қол жеткізесіз. Оған қоса сіз әріптестеріңізбен қарапайым әрекеттесуден бастап серіктестеріңізбен күрделі келіссөз жүргізуге дейінгі жағдайларды қамтитын түрлі коммуникациялық мәселелерді шешуге жарайтын тиімді стратегиялар туралы білетін боласыз.