Кино теориясы. Эйзенштейннен Тарковскийге дейін

«Кино теориясы. Эйзенштейннен Тарковскийге дейін» – «Кино өнерінің теориясы» курсына арналған оқулық. Авторы – кино өнерінің белгілі теоретигі әрі оның тарихын зерттеуші – Семен Фрейлих.  Ол өз тұжырымдамасында киноны ХХ ғасырдың өнеріне балайды; сондай-ақ, бүгінгі адамзаттың рухани әлеміндегі киноның алар орнына баға береді. Зерттеу аясы айтарлықтай ауқымды: мұнда классикалық кинодан бастап, қазіргі заманғы киноға дейін қамтылады. Автор кино мен телевизияның өзара қарым-қатынасына, «асқақ» және «аласа» жанрларға, кинодағы бүгінгі стильдерге, киноның тәсіліне және оның театр, әдебиет, кескіндеме, музыка тәсілдерінен өзіндік айырмашылығына баса назар аударады. 

Еңбек театр және кинематографиялық ЖОО студенттеріне арналған.