Үнді философиясының тарихы

Бұл курс Пурушоттама Билиморианың редакторлық басқаруымен шыққан оқулық негізінде құрылған. Кітапты шығаруда бірнеше автор еңбек еткен: Пурушоттама Билимория, Дж. Н. Моханти, Эми Рейнер, Джон Пауэрс, Стивен Филлипс, Ричард Кинг және Кристофер Ки Чаппл. Үнді философиясы бойынша бұл оқулықтың негізгі мақсаты – ежелгі дәуірден бастап, бүгінге дейінгі Үндістанның негізгі классикалық философиялық дәстүрлерінің мазмұнын беру. Авторлар үнді мәдениеті мен өркениеті контекстіндегі философияның орны мен рөлін, мақсаты мен негізгі мәселелерін ашатын идеяларды зерттеп, соның  нәтижелерін ұсынады. Оқулықта автохтондық (жергілікті) діни және философиялық ағымдар – индуизм, буддизм, жайнизм ілімі туралы талдау жасалып, олардың негізгі ұғымдары, категориялары, бағыттары, мектептері, негізін салушылары мен тұлғалары туралы мәлімет беріледі.