Перейти к основному содержимому

Матрицалар және анықтауыштар

Қазақстан-Британ техникалық университеті

Курс туралы

"Матрицалар және анықтауыштар" курсы "Сызықтық алгебра" пәнінің бір бөлігі болып саналады. Бұл курсты оқу арқылы сіздер матрицаларды есептеуді үйренесіздер. Курс аясында Гаусс және Крамер әдістерімен, Лаплас теориясымен танысасыздар.
Курс техникалық жоғары оқу орындарының бірінші курс студенттеріне арналған.

Курс форматы

Курс видеодәрістер мен әр дәріске арналған жаттығулардан құралған. Жалпы курс ұзақтығы - 5 апта. Әр аптада 2 дәрістен беріліп отырады. Әр дәрістің соңында тест форматында 7 есептен беріледі. Тестті өткеннен кейін өздеріңізді тексеріп, жауабын бірден біле аласыздар. Бұл есептер дәрістен меңгерген білімді бекіту үшін арналған.

Пререквизиттер

Аталмыш курсты өту үшін мектепте алған математикалық білім жеткілікті.

Оқыту нәтижелері

"Матрицалар және анықтауыштар" курсын аяқтағаннан кейін сіздер сызықтық теңдеулер жүйесін шешудегі матрицаларды қолдану амалдарын үйренетін боласыздар.

Курс авторы

Курс авторы

Асқар Жұмаділдаев

Белгілі қазақстандық ғалым, физика-математика ғылымдарының докторы, профессор, Қазақстан ҰҒА-ның академигі.


ЕҢБЕК ЖОЛЫ
1980 – 90 жылдары Математика және механика институтында (қазіргі Математика институты) кіші, аға, жетекші ғылыми қызметкері болды.
1990 жылдан сол институтта алгебра лабораториясының меңгерушісі.
Жұмаділдаевтің негізгі ғылыми-зерттеу еңбектері Ли алгебрасының когомология теориясына арналған. Ол оң сипаттамалы Ли алгебрасының когомологиялары мен деформацияларын және олардың қолдануын зерттеген. Векторлық өріс алгебрасының бөлшектенбейтін кеңеюін есептеген. Ассоциативті емес алгебраның тепе-теңдіктерін тапты.

ҒЫЛЫМИ ДӘРЕЖЕЛЕРІ
1981 ж. - физика-математика ғылымдарының кандидаты (КСРО Ғылым академиясының В.А. Стеклов атындағы математика институты, Мәскеу)
1988 ж. - физика - математика ғылымдарының докторы (КСРО Ғылым академиясының В.А. Стеклов атындағы математика институты, Ленинград бөлімі). Тақырыбы: Оң характеристикалы Ли алгебраларының когомологиялары және оның қолданылулары. Ғылыми жетекшісі: Алексей Кострикин
1990 ж. - Қазақ ұлттық университетінің профессоры
1995 ж. - ҚР Ұлттық ғылым академиясының корреспондент-мүшесі
2004 ж. - ҚР Ұлттық ғылым академиясының академигі

Жиі қойылатын сұрақтар

Қандай браузерді қолданғаным дұрыс?

"Қазақстанның ашық университеті" жобасының сайты барлық браузерлермен жақсы жұмыс істейді (Chrome, Safari, Firefox, Microsoft Edge және Microsoft Internet Explorer 11)

Қандай есептер болады?

Есептердің барлығы аталмыш курсқа қатысты болады.

Математикалық терминдер қай тілде берілетін болады?

Қазіргі кезде математикалық терминдер қазақ тілінде толық қалыптасып болған жоқ. Сондықтан дәрістерде қолданылған кейбір терминдер ағылшын және орыс тілдерінде берілетін болады. Егер ұсыныстарыңыз болса, оларды бірігіп талқылауға дайынбыз.

Жазылу