Перейти к основному содержимому

Робототехника

Қазақстан-Британ техникалық университеті

Курс туралы

Курс электроника, бағдарламалау және робототехника негіздері жайлы. Бұл курс бір-бірінен тәуелсіз жұмыс істейтін жүйелерді құрумен байланысты практикалық тапсырмалардан құралған. Курс аясында осындай құрылғыларды құрастыру мен оларды Ардуино платформасы негізінде бағдарламалау үйретіледі.

Курс соңында сіздер Ардуиномен жұмыс істеу үшін қажет білімге ие боласыздар. Атап айтсақ, роботты жүргізу, сенсорлар арқылы қоршаған орта жайлы мағлұматтарды алып, әрі қарай компьютерге, мобильді немесе басқа құрылғыға жіберетін құрылғыларды құрастыру, және осы мағлұматтарға сәйкес керекті шешім қабылдау. Осындай құрылғыларды құрастыру үшін олардың әрбір құрамдастарын талқылаймыз, электрлік схемасын құрамыз, схеманы өз қолымызбен жинаймыз, оны бағдарламалап, бағдарламаны ретке келтіреміз. Сонымен қатар, соңғы дәрісте 3D-принтер құрылысы және онымен жұмыс істеу дағдыларын талқылаймыз. Курс барысында барлық практикалық тапсырмаларды өздігімен орындау - осы курсты меңгерудің ең тиімді жолы.

Курс форматы

Курс видеодәрістер мен әр дәріске арналған жаттығулардан құралған. Жалпы курс ұзақтығы - 5 апта. Әр аптада 2 дәрістен беріліп отырады. Әр дәрістің соңында тест форматында 7 есептен беріледі. Тестті өткеннен кейін өздеріңізді тексеріп, жауабын бірден біле аласыздар. Бұл есептер дәрістен меңгерген білімді бекіту үшін арналған.

Пререквизиттер

"Робототехника" курсын меңгеру үшін мектеп аясында оқыған физика пәнінен алған біліміңіз жеткілікті. Алайда, бағдарламалау негіздерін білетін болсаңыз, курсты меңгеру жеңілірек болады. Жалпы бұл курс мектептің 10-11 сынып оқушыларына және жоғарғы оқу орындарының 1-2 курс студенттеріне арналған.

Оқыту нәтижелері

Бұл курсты меңгерген соң келесідей дағдыларға ие боласыз:
- электроникамен жұмыс істеу
- схемаларды жинау және оларды қоса алу
- С/С++ тілімен бағдарламалау
- Ардуино платформасында қарапайым программаларды жазу
- 3D принтерімен жұмыс істеу.

Курс авторы

Course Staff Image #1

Бердімбет Айжан Ермұханбетқызы

"Электрлік және компьютерлік инженерия" мамандығы бойынша ғылым магистрі. Қазақстан-Британ техникалық университетінің "Электротехника және компьютер ғылымдары" департаментінің лекторы.

БІЛІМІ
Айжан Ермұханбетқызы 2009 жылы Қарағанды қаласындағы «Дарын» мектебін Алтын белгімен бітірді.
Бакалавриатты Алматы қаласындағы Қазақстан-Британ Техникалық Университетінде "Автоматтандыру және басқару" мамандығы бойынша оқып, оны 2013 жылы үздік дипломмен бітірді.
Оқуды аяқтаған соң, 2014 жылы Болашақ стипендия иегері ретінде Америка Құрама Штаттарына магистратураға жіберілді. Магистратурада оқумен қатар, университет қабырғасында Chief Grader ретінде жұмыс жасады. 2016 жылы Энн Арбор қаласындағы Мичиган Университетінің "Электрлік және компьютерлік инженерия" мамандығы бойынша магистратураны бітірді. Қазіргі кезде Қазақстан-Британ Техникалық Университетінде "Электротехника және компьютерлер ғылымы" кафедрасында қызмет атқарады. "Робототехника негіздері" және "Желілік басқару жүйелерінің теориясы" пәндері бойынша сабақ береді.

Жиі қойылатын сұрақтар

Қандай браузерді қолданғаным дұрыс?

"Қазақстанның ашық университеті" жобасының сайты барлық браузерлермен жақсы жұмыс істейді (Chrome, Safari, Firefox, Microsoft Edge және Microsoft Internet Explorer 11)

Жазылу