Перейти к основному содержимому

Фурье талдауы

Математика және математикалық модельдеу институты
Курсқа жазылу аяқталды

Курс туралы

Бұл қысқа курстың мақсаты - Фурье талдауын бастап үйренушiлерге көмектесу және жалпы осы теорияның өзiне, әсiресе қолданысына қызығушыларға және де теорияны қайталаушыларға мәлiмет беру. Фурье түрлендiруi функционалдық талдаудың маңызды бөлiгi. Ол функцияларды өзгеше сипаттау немесе қарапайым тригонометриялық функциялар қосындысымен жiктеу арқылы зерттейдi.
Бұл түрлендiрудiң негiзiн қалаушы - әйгiлi француз ғалымы Жозеф Фурье (1768-1830). Сондықтан да осы теория "Фурье түрлендiруi" деп аталады.

Пререквизиттер

Бұл курсты меңгеру үшін "Жоғары математика" пәнін өту керек.

Курс авторы

Course Staff Image #1

Дурвудхан Сұраған

PhD, қауымдастырылған профессор (доцент).
ҚР БҒМ ҒК «Математика және математикалық моделдеу институты» РМК бас директорының орынбасары, жетекші ғылыми қызметкері.

БІЛІМІ
2009 жылы Әл-Фараби атындағы Қазақ ұлттық университетінің “Механика және математика” факультетіндегі “Механика” мамандығы бойынша бакалавр дәрежесі.
2009-2013 жылдары аталмыш жоғарғы оқу орнының “Математика” мамандығы бойынша магистр және PhD дәрежесі.
2013 жылдан 2014 жылға дейін Ұлыбританияның King’s College London жоғарғы оқу орнында “Теориялық физика” мамандығы бойынша магистр дәрежесі.

ЕҢБЕК ЖОЛЫ
2016 жылдың қараша айынан бастап “Математика және математикалық моделдеу институтының” бас директорының орынбасары.
2014 жылдың қараша айынан бастап “Математика және математикалық моделдеу институтының” жетекші ғылыми қызметкері.
2015-2016 ж. Ұлыбританияның Imperial College London жоғарғы оқу орнының “Математика” факультетінде шақырылған ғылыми қызметкері (Research Associate-Postdoc).
2010-2014 ж. “Математика және математикалық моделдеу институтының” ғылыми қызметкері.
2009-2010 ж. “Математика және математикалық моделдеу институтының” кіші ғылыми қызметкері.

ЖЕТІСТІКТЕРІ
- Дурвудхан Сұраған – спектрлік геометрия және потенциалдар теориясы саласындағы маман ретінде танылған қазақстандық жас ғалым-математик. Қазақ ұлттық университетінің төртінші курс студенті бола отырып, Thomson Reuters мәліметтер базасының рейтингті журналдарында 2 ғылыми мақала жариялаған.
- “Болашақ” бағдарламасының түлегі.
- 2010 жылы ғылыми мектептерге қатысуға 2 грантқа ие болды. Біріншісі, Ресейдің Нальчик қаласындағы «Нелокальные краевые задачи и проблемы современного анализа и информатики» ғылыми мектебіне қатысу. Екіншісі, Германияның Ганновер қаласындағы «Spectral Theory and Partial differential equations» («Спектральная теория и уравнения частных производных») ғылыми мектебіне қатысу.
- 2014 жылы «Heidelberg Laureate Forum 2014» форумына қатысу грантына ие болған (Германия, Хейделберг қ.). Сонымен қатар, сол жылы Д.А.Қонаев атындағы мемлекеттік премияның лауреаты атанып, ҚР Білім және ғылым министрлігінің “Құрмет” грамотасын иемденген.
- 2008-2016 жылдар арасында Сұраған Дурвудханның Thomson Reuters журналдарында 17 ғылыми мақалалары жарық көрді. 13 мақаласы отандық рецензияланатын журналдарда басып шығарылды. Халықаралық конференцияларда 30-дан астам баяндама жасады.

Жиі қойылатын сұрақтар

Қандай браузерді қолданғаным дұрыс?

"Қазақстанның ашық университеті" жобасының сайты барлық браузерлермен жақсы жұмыс істейді (Chrome, Safari, Firefox, Microsoft Edge және Microsoft Internet Explorer 11)

Математикалық терминдер қай тілде берілетін болады?

Қазіргі кезде математикалық терминдер қазақ тілінде толық қалыптасып болған жоқ. Сондықтан дәрістерде қолданылған кейбір терминдер ағылшын және орыс тілдерінде берілетін болады. Егер ұсыныстарыңыз болса, оларды бірігіп талқылауға дайынбыз.